Takelaj və Qaldırma Səviyyə 3

Hədəf Auditoriya

• Təcrübəli Takelajçılar / İlməkçilər / Siqnalçılar
• Lider takelajçılar

• Qabaqcıl takelaj və yükqaldırma səriştəsinə yiyələnmək məqsədilə peşəkar inkişafını davam etdirən təcrübəli Səviyyə 2 takelajçıları

• Mürəkkəb yükqaldırma fəaliyyətlərini koordinasiya etmək, onlara rəhbərlik etmək və ya nəzarət etməyi tələb edən takelaj və yükqaldırma heyəti

• Qabaqcıl yükqaldırma əməliyyatlarının koordinasiyası və ya onlara nəzarətlə bağlı məsuliyyətləri peşəkar inkişaf etdirən müvafiq takelaj və yükqaldırma təcrübəsinə malik heyət

Tal və takelaj çərçivələrindən istifadə etməklə qabaqcıl çarpaz ötürmə əməliyyatlarının yerinə yetirilməsi üçün nəzərdə tutulmuş Takelaj və Qaldırma Səviyyə 3 təlim kursu ilkin və orta səviyyəli takelaj və yükqaldırma fəaliyyətləri üzrə praktiki səriştəsini artıq nümayiş etdirmiş təcrübəli yükqaldırma heyəti üçün hazırlanmışdır.

Kursun məqsədi müntəzəm (rutin), müntəzəm (rutin) olmayan və mühəndislik əsasında planlaşdırılmış yükqaldırma əməliyyatlarının təhlükəsiz və səmərəli şəkildə yerinə yetirilməsi üçün tələb olunan nəzəri biliklərin, praktiki səriştənin və qərarvermə bacarıqlarının daha da inkişaf etdirilməsi və möhkəmləndirilməsidir.  Kursda təhlükəsiz iş sistemi; təhlükəsizlik əmsalı; yükqaldırma avadanlığı və aksesuarlarının seçilməsi, istifadədən əvvəl yoxlanılması və təhlükəsiz istifadəsi prinsipləri; yükün çəkisi və ağırlıq mərkəzi; ilmək konfiqurasiyası və yükün paylanması; həmçinin tal və takelaj çərçivələrilə aparılan əməliyyatlar, çarpaz ötürmə üsulları, kommunikasiya, risklərin qiymətləndirilməsi və yükqaldırma əməliyyatlarının planlaşdırılmasına xüsusi diqqət yetirilir.

“Takelajçı” təlim kursunun təşkilata faydası ondan ibarətdir ki, yükqaldırma və takelaj əməliyyatlarının təhlükəsiz və düzgün icrası təmin olunur, istehsalat sahələrində qəza və insidentlərin başvermə riski minimuma endirilir. Bu təlim vasitəsilə işçilərin peşəkarlıq səviyyəsi və məsuliyyət hissi artır, əməyin mühafizəsi və texniki təhlükəsizlik tələblərinə riayət güclənir. Nəticədə insan resurslarının qorunması, avadanlıqların zədələnməsinin qarşısının alınması, iş proseslərinin fasiləsiz və səmərəli təşkili təmin edilir.